Chapter Text
「呂爵安，其實點解d 人會結婚嘅？點 make sure 自己一直會鍾意同一個人？又點 make sure 自己喺未來唔會再愛上另一個人？」盧瀚霆坐在床邊晃蕩著雙腿，舉目眺望窗外夜景之際忽發奇想。
「其他人我唔知，for 我。。因為我結婚之前未遇到你。」男人於連身鏡前解開深藍領帶，從鏡內凝視發問者的絕美背影。
「你係咪特登氹我開心，等我陣間落力d ?」回眸對上鏡中深邃雙瞳，魅惑一笑百媚生。
「乜你平時有留力架咩？我次次都出盡全力架喎。。」嘴角揚起自信弧度，抬手輕撥那頭不羈灰髮。
「嘻。。我沖涼先。。」緩緩下床經過呂爵安身後，手臂卻突然被人拉住。
情人今天的妝容份外別緻，all back 金髮下露出飽滿而無瑕的前額，臉頰上腮紅明顯比以往着跡，還故意點上可愛雀斑群，精緻得像個混血洋娃娃，看進最讓人着迷的腰果眼，抬手往黑恤衫上紫色蝴蝶結一拉，往性感鎖骨親上一口，「做咩今晚着到成份禮物咁靚。。係咪想勾引我？」
盧瀚霆雙手勾掛男人頸項，再在他耳畔低語呢喃：「係呀。。專登喺公司annual dinner 早走，黎酒店勾引你架。。」
「好～ 就睇下你成唔成功。。」尚未完句已把美人抱起，大步大步走到浴室去。
已忘了這是第幾次幽會，但他們的初見也蠻叫人難忘，一個滂沱大雨之夜，盧瀚霆匆忙離開公司大樓，只横跨一條四線行車馬路已沾了一身濕，來到私家診所玻璃門前，手握上金屬柄，門內的呂爵安正彎着腰把應診掛牌翻轉至另一邊，二人目光隔着玻璃連線，那是他們對上的第一個眼神。
醫生拉開門，看著濕乎乎的人問了一句：「我閂門喇喎。。你想睇症？」
「我胃抽筋。」盧瀚霆捂住肚子，秀美五官刻畫於蒼白臉色上面。
「入黎啦。。護士走左，睇完症先同你登記。。除左胃，仲有無其他地方唔舒服？」
「無。」
經過昏暗的候診廳，呂爵安把病人領進會診室，說出今天第五十三次「瞓上床」，把案頭的聽診器掛到脖子上，走到床邊又道：「我會拉高少少你件恤衫，聽筒會有d 凍。」
「嗯。」
「胃痛左幾耐？」
「今朝開始。」
「今朝到而且食過d 咩？」
「無食。」
「琴晚呢？」
「都無。」
「我而家幫你㩒下，呢度痛唔痛？」手心撫在平坦而軟滑的小腹上，在不同位置按壓測試，心裡詫異這男生的皮膚比許多女生還要幼嫩。
「唔痛。」
「呢度呢？」
「痛。。好痛。。」
「係咪成日食無定時，成日胃痛都無理佢？」
「係。」
如果這張讓人過目不忘的臉曾經出現在診所之中，他不可能沒有印象，「第一次黎睇係咪？俾張身份證我登記。」
小手從褲袋拿出錢包，把身份證交給醫生，牙關不住咯咯作響，「好。。凍。。好。。痛。。」
「我要開返個system 登記同執藥，都要d 時間，一係俾住張氈同暖水袋你。」
「唔。。該。。」
登記和配藥這些事乃姑娘職責，不熟手技工花了一番工夫才回到會診室，「我開左d 藥俾你，Antispasmodic 幫你放鬆腸胃，Antacids 幫你中和胃酸， 你電話幾多號？」
床上男生呈蝦米形狀側臥着，並沒給予任何回應。
以為病人是休克了還是怎樣，醫生正要上前檢查之際，盧瀚霆呼出了沉沉鼻鼾聲，然後呂爵安發現一套半濕的恤衫西褲被隨手擱在床邊，所以他現在就光溜溜的抱著暖水袋在毛氈下面睡着了。
反正回家也沒人等門，外面大雨又一直灑個不停，留在診所叫外賣，看套電影也沒差，就讓這隻濕漉漉的小病貓多睡一會亦無不可。
把病人的衣衫掛在風口位置，叫來了些吃的，戴上耳機邊吃邊在平板觀看電影， 期間自製中場休息上一趟洗手間。
推門回到房間之際，只穿白色四角褲的人正跪在床上，試圖拿回被呂爵安掛在高處之衣物，盡力高舉雙手也未能觸及，狼狽也發窘的一幕。
「幫你攞。」醫生盡量把頭別到一旁，卻仍然不自禁偷偷往那副嫩白如雪之美好打量了一眼，真就這麼一眼。
捕捉到那雙目光裡的覬覦，盧瀚霆抿抿唇，急忙以毛氈覆蓋鎖骨以下，似笑非笑的說： 「我以為醫生成日都會見到唔同人嘅身體，會變到無感。」
呂爵安當然明白非禮勿視這道理，可衣服是他自己脫的，這地方是自家的，視覺衝激突然出現面前，眼球很難說忽略就真能忽略掉，心有不甘便懟回去，「係呀～ 睇完都係無感，攞返你d 衫～ 」
小手搶過衣服，鏗鏘有勁的回他一句，「Thank you 喎。」
呂爵安坐回辦公椅上，腳一蹬座椅一轉，背向正要穿上衣服的人，「你個胃。。點呀？」
「敷左暖水袋好d 。」
「我嗌多左個粥，食d 野跟住食藥啦， 如果唔係，好快就再痛返。」
「好。。多謝曬。」盧瀚霆轉眼已穿著整齊，一手取去外賣膠袋和藥物，一溜煙的離開診所並消失於雨夜之中。
~~~~~
「lo lo 你捨得返黎拿？個個OT 到踢曬腳你閃左去邊呀？」好友兼同事 Janice 叉著腰問道。
「我去左睇醫生呀。。啱啱胃好痛吖嘛。」盧瀚霆對這一字瀏海長髮小妹解釋着。
「咁夜附近仲有醫生睇咩？」
「公司對面果間呀，姓呂果個。」把外賣圓盒打開，拿起膠餐具小舀一羹。
「Edan? 你去睇Edan 呀？今日星期三， Edan 收咁晏架咩？」Janice 雙目瞇成一線，語帶懷疑。
「呃你做咩啫？你同佢好熟架咩？ Edan Edan 咁叫人，又背曬人地d opening hours.」盧瀚霆把微涼粥品放到嘴裡。
「佢幾型吖。。可惜結左婚咋嘛。」Janice 歪着嘴回腔一句。
「連人地結咗婚你都知？」差點把粥裡的皮蛋噴到桌上去。
「佢無名指戴住戒指架。。嗱～ 唔好話我唔教你～ 第一眼有好感，第二眼就梗係望有無戒指， 第三眼就望。。」小姑娘眉角挑起狡黠。
「點呀點呀？ 第三眼望邊度呀？」盧瀚霆趣味盎然的期待着。
「望下d 指甲整唔整齊，有無裙黑邊囉～」
二人同步放聲大笑，引來房間裡經理怒眼一瞪。
「妖～ 唔玩喇，你食完粥快d 食藥就好開工喇。。費事俾人鬧呀。」Janice 拋下一句便逃離了經理視線範圍。
盧瀚霆看著抬面上藥丸密封小膠袋，「咦。。啱啱睇醫生無俾錢喎。。」
~~~~~
TBC